गुडिरहेको मोटरसाइकलमा आगलागी

मोरङ, असार । गुडिरहेको मोटरसाइकलम अचानल आगोलागी भयो र मोटरसाइकल जलेर पुर्ण रुपमा क्षति भयो । झट्ट सुन्दा पत्याउन गोह्रो होला । तर पत्याउनुपर्ने हुन्छकिनभने यो वास्तविकता हो ।जिल्लाको कानेपोखरी गाँउपालिका ४ बस्ने २८ वर्षीय राजकुमार खत्रीले कुदाउँदै गरेको मोटरसाइकलमा एक्कासी आगलागी भएको हो । खत्रीले कुदाउँदै गरेको को १९ प ७३७७ नम्बरको १८५ सीसीको मोटरसाइकलमा सोमबार अचानक आगलागी भएको ।

भाउन्ने पेट्रोल पम्पमा पेट्रोल हालेर दुई मिटर अगाडि पुग्दा खत्रीले चलाएको मोटरसाइकलमा अचानक आगलागी भएको र मोटरसाइकल पूर्ण रुपमा क्षति भएको डाँगीहाटका प्रहरी इन्चार्ज नारायण प्रधानले जानकारी दिएका छन् ।आगालागी भएपछि खत्री भने उछिट्टीएका थिए । उनी सकुशल रहेको प्रहरीले जनाएको छ । मोटरसाइकलमा आगो कसरी लाग्यो भन्नेबारे अनुसन्धान भइरहेको प्रधानले बतएका छन् ।