प्रियंका र निकले फेरि विवाह गरे

एजेन्सी, १८ मंसिर । डिसेम्बर १ तारिखका दिन इसाई विवाह गरेका बलिउड अभिनेत्री प्रियंका चोपडा र अमेरिकी गायक निक जोनासले डिसेम्बर तीनमा भने एउटा हिन्दु परम्परा विावह गरेका छन् । उनीहरुले जोधपुरको उमेद भवन प्यालेसमा विवाह गरेका हुन्।

पछिल्लो समय प्रियंका र निकको सम्बन्धलाई लिएर बलिउडमा व्यापक चर्चा हुने गरेको थियो । अन्तत उनीहरुले विवाह बन्धनमा बाँधिए । तर, यो जोडी विवाहका कारण बारम्बार चर्चामा भने आइरहेको छ । विभिन्न धार्मिक रुपमा यो जोडीले विवाह गरेका कारण चर्चामा आएका हुन् ।

चोपडा र जोनासले आफ्ना साथीहरूमार्फत् एकअर्कालाई भेटेको बताइएको छ।उनीहरू सन् २०१७ को मेट गालामा पहिलोपटक सार्वजनिक रुपमा सँगै देखिएका थिए। तर सुरुमा भने उनीहरूले आफूहरूबीचको प्रेम सम्बन्ध अस्वीकार गरेका थिए।