छुट्टाछुट्टै सवारी दुर्घटनामा परी ४ जनाले गुमाए ज्यान

काठमाडौं । बाँके, कञ्चनपुर र चितवनमा भएका छुट्टाछुट्टै भएका सवारी दुर्घटनामा ४ जनाको मृत्यु भएको छ। बाँके बैजनाथ गाउँपालिका ५ जि गाँऊस्थित पुर्व पश्चिम राजमार्गमा बा १ क ४४९५ नम्बरको बस र लु ४३ प ९५९९ नम्बरको मोटरसाइकल सोमबार बिहान एकआपसमा ठक्करखाई दुर्घटना हुँदा गम्भीर घाइते भएका मोटरसाइकल चालक सुर्खेत लेखबेसी नगरपालिका १ बस्ने २७ वर्षीय बिक्रम गहतराज र मोटरसाइकलमा सवार गुर्बाकोट नगरपालिका १२ बस्ने  ३२ वर्षीय मदनसुनारको मेडिकल कलेज कोहलपुर उपचारको क्रममा दुबै जनाको मृत्यु भएको छ। गाडी र चालकलाई  प्रहरीले नियन्त्रणमा लिएको छ।

कञ्चनपुर पुर्नवास नगरपालिका ७ टाउके बजारस्थित सडकमा से १ त २९२६ नम्बरको ट्याक्टरले सोमबार बिहान ठक्करदिँदा गम्भीर घाइते भएका पैदलयात्री सोही नगरपालिका ११ भिमबस्ती बस्ने ६० वर्षीय शनिराम डगौरा थारुको नवजीबन अस्पताल धनगढीमा उपचारको क्रममा मृत्यु भएको छ।

ट्याक्टर र चालकलाई प्रहरीले नियन्त्रणमा लिएको छ। चितवन भरतपुर महानगरपालिका १ पोखरा बसपार्कमा ना ३ ख ३८ नम्बरको हाईस गाडीले सोमबार दिउँसो ठक्करदिँदा गम्भीर घाइते भएकी सोही ठाउँस्थित पोखरा बसपार्कमा होटल गरी बस्ने गोरखाका सानु बाबु थापा मगरकी २ वर्षीया छोरी मरीमा थापा मगरको उपचारको लागि सरकारी अस्पताल भरतपुरतर्फ लैजाने क्रममा बाटोमै मृत्यु भएको छ। चालक फरार रहेकोले प्रहरीले खोजी गरिरहेको छ। दुर्घटनाको समम्बन्धमा स्थानीय प्रहरीले थपअनुसन्धान गरिरहेको छ।