श्रीमानको कुटपिटबाट श्रीमतिको हत्या

अर्घाखाँची । सन्धिखर्क नगरपालिका वडा नम्बर ११ डिभर्नाको अमिलेका कृष्णबहादुर सेजवाले अनफ्नै श्रीमति मीना सेजवालको हत्या गरेका छन् ।

श्रीमान कृष्णबहादुर सेजवालको निर्घात कुटपिट गरेपछि टाउकोमा रगत जमेर उनकोमृत्युु भएको माइतीपक्षले आरोप लगाएका छन् । दिदीलाई महिनौंदेखि कुटपिट गर्दै आएको र कुटपिटबाटै दिदीको मृत्यु भएको मृतककी बहिनी कल्पना केसीले बताइन् ।

श्रीमानले नै कुटपिट गरेर मीनाको ज्यान गएको भन्दै माइतीपक्षले कुटपिट गर्ने श्रीमानलाई पक्राउ गरी कारबाही गर्न माग गरेका छन् । घटनाको छानबिन गर्न प्रहरी प्रशासनले चासो नदेखाएको माइती पक्षले आरोप लगाएका छन ।

मृतक मीनाको गएको मङ्सिर २४ गते उपचारको क्रममा भैरहवा मेडिकल कलेजमा निधन भएको थियो । शवको पोस्टमार्टम जिल्ला अस्पताल सन्धिखर्कमा गरेर अन्तिम दाहसंस्कार पनि गरिसकिएको छ ।