अज्ञात व्यक्तिको कुटाइबाट एक जनाको मृत्यु, एक जना घाइते

बैतडी। बैतडीमा अज्ञात व्यक्तिले कुटपिटबाट एक जनाको मृत्यु भएको छ भने एकजना घाइते भएका छन् । सिगास गाउपालिका–९ श्रीभावर का ६० वर्षीय जसु बोहराको मृत्यु भएको हो। अज्ञात व्यक्तिको कुटपिटबाट उनकी २१ वर्षीया बुहारी लक्ष्मी बोहरा घाइते भएकी छन्।

आइतबार राति करिब ९ : ३० बजे घरमा कोही नभएको बेला आज्ञात व्यक्तिले निर्घात कुटपिट गर्दा ससुराको मृत्यु भएको र आफू घाइते भएको लक्ष्मी बोहराले बयान दिएको इलाका प्रहरी कार्यालय पाटनका प्रहरी निरीक्षक गिन्द्रबहादुर बोगटीले जानकारी दिए। कसले र किन कुटपिट गर्यो भन्ने विषयमा अनुसन्धान जारी रहेको प्रहरीले जनाएको छ।