२०० करोडमा बनेको ‘जीरो’ले १०० करोडपनि कमाउन मुश्किल

एजेन्सी । बलिउड सुपरस्टार शाहरुख खानको फिल्म ‘जीरो’ डिसेम्बर २१ बाट रिलिज भएको थियो। आनन्द एल राय निर्देशित उक्तफिल्म शाहरुख खानको हालसम्मकै फिल्म हो । शाहरुख खानको फिल्म जीरोलाई उनको सबैभन्दा ठूलो बजेटको फिल्म बताइन्छ । यसको बजेट २०० करोड रुपैयाँ थियो । तर, बक्स अफिसमा लागतको आधा पनि उठान सकेको छैन ।

फिल्मले दुई हप्तामा बक्स अफिसमा ८९.२५ करोडमात्र कमाउन सकेको छ । बक्स अफिस स्रोतका अनुसार फिल्मले नयाँ वर्षको दिन पनि जम्मा १.२५ करोडमात्र कलेक्शन गर्न सकेको थियो ।

लागतअनुसार यो फिल्मलाई शाहरुखको सबैभन्दा फ्लप फिल्म बन्ने अवस्थामा पुगेको भारतीय सञ्चार माध्यमले जनाएका छन् । फिल्मको हालसम्मको कारोबारलाई हेर्दा १०० करोड पनि कमाउ नसक्ने देखिएको छ ।

फिल्म शाहरुख र अनुष्का शर्मा शारीरक अशक्तको भूमिकामा छन् । त्यसकारण यो फिल्म फरक कथाका कारण राम्रो चल्ने अनुमान गरिएको थियो । तर दर्शकले फिल्मलाई अस्वीकार गरिदिएका छन् ।

बक्स अफिसको रिपोर्टअनुसार दोस्रो हप्तामा जीरोको कमाईमा निकै गिरावट आएको छ । शुक्रबार यो फिल्मले १ करोडभन्दा पनि थोरै कलेक्शन गरेको छ । शनिबार फिल्मले १ करोड कमायो ।

उता आइतबार फिल्मले १ करोड २५ लाख कमायो । सोमबार फिल्मको कलेक्शन मात्र ८० लाख रह्यो । यसअनुसार दोस्रो सप्तान्तमा फिल्मले ३.९० करोडको आसपासमा कारोबार गरेको छ । फिल्मले पहिलो हप्ता ८४.१० करोड कमाई गरेको थियो।

दोस्रो हप्तामा फिल्म सिम्बा रिलिज हुँदा जीरोलाई नोक्शान भएको छ । मंगलबारसम्म सिम्बाले १२४ करोड कमाइसकेको छ ।