सबै महिला ‘लक्ष्मी बाई’ बन्नुपर्छः कंगना रनावत

एजेन्सी, पुस । बलिउड क्वीन कंगना रनावटले मिटु अभियानमाथि एउटा बयान दिएकी छिन् । कंगनाले सबै महिला ‘लक्ष्मी बाई’ बन्नुपर्ने बताइन् ।

उनले भनिन्,‘जो मानिसलाई वास्तवमा सहायता वा कुनै पनि प्रकारको मद्दतको आवश्यकता छ उसलाई हामीले साथ दिनुपर्छ । आज हामीलाई सशक्त बन्न खाँचो छ, तर हाम्रो समाजमा यदि कोही लक्ष्मी बाईले जस्तो काम गर्दैछ भन्ने उसलाई हामीले सम्मान गर्नुपर्छ ।’

आफूमाथि भएको शोषणको बारेमा कुरा गर्दै कंगनाले भनिन्,‘जब म १६ वर्षकी थिए तब मैले पहिलोपटक एफआइआर दर्ता गराए । आफ्नो हकका लागि उभिने जोकोहीँलाई हामीले सम्मान गर्नुपर्छ ।’

उनले सशक्तिकरणको आवश्यक भएकाहरु पहिले आफै सशक्त हुनुपर्ने बताइन् ।

कंगना रनावतको फिल्म ‘मणिकर्णिकाः द क्वीन अफ झाँसी’ आगामी २५ जनावरीमा रिलिज हुँदैछ । यो फिल्ममार्फत कंगनाले निर्देशनमा पनि कदम राखेकी छिन् र उनले आगामी दिनमा अन्य धेरै फिल्मको निर्देशन गर्ने अपेक्षा राखेकी छिन् ।