कहाँ कहाँ हुँदैछ लोडसेडिङ ?काठमाडौंमा आज ९ घण्टा लोडसेडिङ हुने

काठमाडौंका केही स्थानमा आज (शनिबार) दिनभर लोडसेडिङ हुने भएको छ । नेपाल विद्युत प्राधिकरणले ११ केभी प्रसारण लाइनको मर्मतसम्भारका लागि ठमेल लगायत क्षेत्रमा बिहान ८ बजेदेखि ९ घण्टा लोडसेडिङ गर्न लागेको हो।

११ केभी प्रसारण लाइन अन्तर्गत लैनचौर फिडरको ‘प्रिभेन्टिभ मेन्टिनेन्स’का लागि शनिबार बिहान ८ बजेदेखि साँझ ५ बजेसम्म लैनचौर दुग्ध विकास संस्थान अगाडिको गणेश मन्दिर, ठमेल जाने चोक, पुरानो नेपाली चुलो, हिटी पोखरी, जय नेपाल हल, हात्तिसार क्षेत्रमा लोडसेडिङ भइरहेको प्राधिकरणले जनाएको छ ।

यसैगरी प्राधिकरणकाअनुसार नक्साल नारायण चौर, प्रहरी हेड क्वार्टर, भूँडे गणेश, टंगाल स्कुल, नक्साल भगवती मन्दिर, मल्ल होटल अगाडि हुँदै अमृत साइन्स क्याम्पस आसपासका स्थानमा लोडसेडिङ भइरहेको छ ।