जिरी पुग्ने आन्तरिक पर्यटकको लागि विशेष छुट

दोलखा । पर्यटकीय ठाउँ जिरी नगरपालिका पुग्ने आन्तरिक पर्यटकको लागि विशेष छुट सहितको प्याकेज ल्याइएको छ । उद्योग वाणीज्य संघ जिरी शाखाको अगुवाईमा बसेको जनप्रतिनिधि, होटल व्यवसायी सहितको बैठकले जिरी पुग्ने आन्तरिक पर्यटकको लागि कोठा भाडामा ५० प्रतिशत छुट दिइने निर्णय गरिएको हो । यो योजना माघ १५ गतेदेखि सुरु भई बैशाख पहिलो हप्तासम्म लागू हुनेछ ।

बस्नमा ५० प्रतिशत छुट दिने निर्णय गरिए पनि खानामा भने विशेष छुट दिने उद्योग वाणीज्य संघ जिरी शाखाले जनाएको छ । जिरी नगरपालिकाभित्र सञ्चालनमा रहेका होटलले आन्तरिक पर्यटकलाई बस्नका लागि ५० प्रतिशत छुट दिनेछन् ।

नेपालको स्विटजरल्याण्ड भनेर चिनीने पर्यटकीय नगरी जिरीमा पर्यटकको संख्या बढाउने उद्देश्यका साथ यस्तो योजना ल्याइएको जिरी नगरपालिकाका प्रमुख टंक जिरेलले जानकारी दिनुभयो । भूकम्पपछि जिरीमा सुविधा सम्पन्न होटल तथा लजहरु सञ्चालनमा रहेका छन् ।