उत्तर कोरियाबाट अझै असाधारण खतरा, ट्रम्पद्वारा प्रतिबन्ध नविकरण

एजेन्सी, ९ असार । अमेरिकी राष्ट्रपति डोनाल्ड ट्रम्पले उत्तर कोरियाबाट विश्वलाई कुनै खतरा नरहेको बयान दिएको १० दिनपछि नै उत्तरकै परमाणु हतियारलाई ‘असाधारण खतरा’को कारण देखाउँदै उसमाथि पुन प्रतिबन्धहरु नविकरण गरेका छन् ।

ऐतिहासिक सिंगापूर वार्ताको एकदिन पछि १३ जूनमा ट्रम्पले ट्वीटरमा लेखेका थिए,‘अब उत्तर कोरियाबाट कुनै परमाणु खतरा छैन ।’ उत्तरसँग न्यानो बन्दै गएको सम्बन्धलाई अझ न्यानो थप्न अमेरिकाले अगस्टमा तय भएको दक्षिण कोरियासँगको आफ्नो दुईवटा संयुक्त सैन्य अभ्यास पनि रद्द गरेको थियो ।ट्रम्पले किमसँगको शिखर वार्तामा ‘युद्ध खेल’लाई उत्तेजक र महंगो भन्दै त्यसलाई अन्त्य गर्ने अप्रत्याशित छूट पनि दिएका थिए ।