पोखरामा छ्यापछ्याप्ती नक्कली नोट

पोखरा । पछिल्लो समय पोखरामा एक हजार रुपैयाँका नक्कली नोट छ्यापछ्याप्ती फेला परेका छन्। लुम्बिनी विकास बैंकको पोखरा न्युरोड शाखामा १ हप्ताभित्रै ५ वटा नक्कली नोट आएको बैँक कर्मचारीले बताए। उनीहरुका अनुसार एउटै नम्बरका नोट पटक पटक फेला पर्न थालेका छन्।

‘नक्कली नोटको कारोबार पछिल्लो समय अलि बढेको देखिन्छ,’ शाखाकी अपरेसन इन्चार्ज सफिना जोशीले भनिन्, ‘आजभोली दैनिक आउन थालेको छ ।’ उनले पछिल्लो हप्तामात्रै १ हजारका २ वटा नोट एउटै नम्बरको आएको बताएकी छन्।