विहेभोज खान गएकी ११ वर्षीया बालिका शव आधा जलाएको अवस्थामा फेला

धनुषा । धनुषामा विहेभोज खान गएकी ११ वर्षीया बालिकाको हत्या गरिएको छ । बुधबार राति गाँउमै विहेभोज खान गएकी मिथिला नगरपालिका ३ हरिहरपुरका नारायण रसाईलीकी छोरी दुतिया रसाईलीको शव हत्या गरिएको अवस्थामा फेला परेको हो ।

बुधबार भोज खान गएकी बालिकाको शव विहीबार आधा जलेको अवस्थामा झाडीमा फेला पर्को हो । शव देखेवपछि बाटोमा हिड्ने एवं स्थानीयले प्रहरीलाई बोलाएका थिए ।

घटना हत्या भएको प्रष्ट रहेको तर हत्या पछि जलाइएको हो या जिउँदै जलाएको हो भन्ने कुरा पोष्ट्र मार्टमबाट मात्रै थाहा हुने प्रहरीले जनाएको छ ।

बालिकाको शव अहिले पोष्ट मार्टमका लागि जनकपुर अञ्चल अस्पतालमा राखिएको छ । घटनाबारे थप अनुसन्धान भइरहेको प्रहरीले जनाएको छ ।