सारा अली खान र कार्तिक आर्यनको जोडीबारे करिनाले गरिन् यस्तो खुलासा !

करण जहोरको च्याट शो हरेक सिजनमा विभिन्न खुलासा र विवाद लिएर आउँछ । यो संस्करण पनि निकै मसालेदार रह्यो । उक्त कार्यक्रमको फाइनल एपिसोडका पाहुना थिए करिना कपुर र प्रियंका चोपडा । यी दुई नायिकाले थुप्रै रोचक खुलासा गरे ।

जहाँ प्रियंका चोपडाले अर्जुन कपुर र मलाइका अरोडाको सम्बन्धको खुलासा गरिन् भने करिना पनि खुलासा गर्ने मामलामा पछि परिनन् ।

करिनाले सारा अली खान र कार्तिक आर्यनबारे कुराकानी गरेकी छिन् । करिनाले भनिन्, ‘उनीहरु शानदार छन् । मलाई लाग्छ कि उनीहरुको जोडी निकै राम्रो हुनेछ ।

दुबैले सँगै फिल्म खेल्ने योजना बनाइरहेका छन् । दुबै सँगै राम्रा देखिन्छन् । कार्तिक ‘मेस्सी’ छन् भने सारा ‘क्लासी’ छन् । मास र क्लास सधैं जम्छन् ।’