आज दिलिप कुमारकी नातिनीसँग बिहे गर्दै साउथ सुपरस्टार आर्या

हैदराबाद। बलिउडका पुराना सुपरस्टार दिलिप कुमार र सायरा बानोकी नातिनी सायशा सहगल र तमिल फिल्मका सुपरस्टार आर्या आज विवाह गर्दैछन् । सायशा आफूभन्दा १७ वर्ष जेठा हिरोसँग हैदराबादमा विवाह बन्धनमा बाँधिनेछिन् । सायशाको संगीत सेरेमनी शनिबार मुम्बइमा भएको थियो जहाँ आदित्य पंचोली, संजय दत्त, अंजू महेंद्रू, जरीना वहाब उपस्थित थिए ।

गत वर्ष रिलिज भएको फिल्म गजनीकान्त रिलिजका बेला यी दुई नजिक आएका थिए । आर्यासँगै सायशा पनि हिरोइन हुन् । उनले तेलुगु फिल्ममा सुपरस्टार नागार्जुनका छोरा अखिल अक्किेनीसँग फिल्म अखिलबाट डेब्यू गरेकी थिइन् । सायशाले अजय देवगनसँग फिल्म शिवायमा पनि काम गरिसकेकी छिन् । हजुरबुवाजस्तै उनका पिता सुमित सहगल र आमा शाहीन पनि अभिनेता नै हुन् ।