भद्रगोलका ‘पाँडे’ को कारण मुलुकभरका पाण्डे दुखी, मिडिया हवलाई लेखे यस्तो पत्र

काठमाडौं, २९ फागुन । नेपाल टेलिभिजनबाट प्रसारित लोकप्रिय हाँस्य व्यंग्य टेलिसिरयल ‘भद्रगोल’ का चर्चित पात्र ‘पाँडे’ को भूमिकाका कारण पाण्डे थर भएकाहरुको नै अपमान भएको भन्दै पाण्डे थर भएकाहरु विरोधमा उत्रिएका छन् ।

नेपाल पाण्डे समाजको नामवाट एक पत्र लेख्दै उनीहरुले सो भुमिकाले सबै पाण्डेहरुको मनमा चोट पुगेको जनाएका
छन् ।

भद्रगोलको प्रस्तुतकर्ता मिडिया हवलाई पठाइएको पत्रमा सो पात्रलाई अतिशयोक्ति र कपोलकल्पित ढंगले प्रस्तुत गरिएको उल्लेख छ । जसका कारण मुलुकभर रहेका पाण्डेहरुको मनमा चोट पुगेको उल्लेख गरेको छ ।

मुलुकको एकीकरणदेखि नै हालसम्म पुर्याएको भूमिकाप्रति वेवास्ता गरेर पाण्डेलाई हास्य पात्रका रुपमा प्रस्तुत गरिएको भन्दै समाजमा असर पुयाउने कथा र प्रदर्शनलाई अस्वीकार गर्ने चेतावनी दिइएको छ ।