पहिरोले घर पुरिँदा २ जनाको मृत्यु, २ घाईते

काठमाडौँ । काभ्रेको बनेपा नगरपालिका वडा नम्बर ३ चुँडालमा पहिरोले घर पुरिँदा एकै परिवारका २ जनाको ज्यान गएको छ।

काभ्रेको बनेपा नगरपालिका ३ चुँडालका रामप्रसाद दंगालको घर पहिरोले पुर्दा दंगालकी श्रीमति गोमा दंगाल र नातिनी सोहनी दंगालको ज्यान गएको जिल्ला प्रहरी कार्यालय काभ्रेले जनाको छ।

उक्त पहिरोमा परी दंगालकी बुहारी सुशीला र अर्की नातिनी अनुस्का दंगाल घाईते भएका छन् । उनीहरुको शीर मेमोरियल अस्पतालमा उपचार भईरहेको प्रहरीले जनाएको छ।