किन भयो ३५ लाखको पुल सामाजिक सञ्जालमा भाईरल ?

३५ लाखको पुल पछिल्लो समय चर्चामा आएको छ । घटना हो म्याग्दीको धौलागिरी गाउँपालिका जोड्न फेदीस्थित दाङखोलामा बनेको पुलको । ३५ लाख खर्चिएर निमार्ण गरिएको अस्थायी बेलिब्रिज विवादित बन्नुको कारण हो ठूलो खर्च । ठुलो रकम खर्च गरिएको भनिएपनि सल्लाको काठ प्रयोग गरिएका १८ मिटर लामो पुल भनेजति खर्च भएजस्तो नदेखिएपछि सबैले बिरोध गरिरहेका छन् ।

गाँउपालिकाको ३३ लाख २८ हजार तथा २ लाख ८४ हजार बराबरको जनश्रमदानबाट पुल निर्माण भएको गाँउपालिकाको दाबी छ । अहिले सामाजिक सञ्जालमा ३५ लाख पुल भन्दै आलोचित मात्रै भइरहेको छैन यो पुल अत्यन्तै विबादिनत पनि बनिरहेको छ ।

खोलाबाट पाँच मिटर २० सेन्टिमिटर अग्लो तीनवटा पक्की पिल्लर राखिएको पुलमा ८ ओटा फलामको बिम प्रयोग गरिएको छ भने फलामका बिम माथि सल्लाका काठ बिछ्याइएको छ । पुल बनेपछि स्थानीयले खुलेरै बिरोध गरिरहेका छन् ।