एनपीएल : कर्णालीले काठमाण्डाैलाई दियाे १ सय ५० रनकाे लक्ष्य, धवनकाे अर्धशतक

काठमाण्डाै – नेपाल प्रिमियर लिग (एनपीएल) क्रिकेटमा कर्णाली याक्सले काठमाण्डाै गुर्खाजलाई १ सय ५० रनकाे लक्ष्य दिएकाे छ ।

कीर्तिपुरकाे त्रिवि क्रिकेट मैदानमा टस हारेर ब्याटिङकाे निम्ताे पाएकाे कर्णालीले २० ओभरमा ५ विकेट गुमाएर १ सय ४९ रन बनायाे । कर्णालीका शिखर धवनले नटआउट ७२ रन बनाए । प्रतियाेगिताकाे पहिलाे अर्धशतक बनाउने क्रममा धवनले ५१ बलमा ५ छक्का र ४ चाैका प्रहार गरे । काठमाण्डाैका गेरहार्ड इरस्मसले २ विकेट लिए ।

दुवै टाेली आज पहिलाे जीतकाे खाेजीमा छन् । कर्णाली पहिलाे खेलमा जनकपुर बाेल्ट्ससँग पराजित भएकाे थियाे भने काठमाण्डाै चितवन राइनाेजसँग पराजित भएकाे थियाे ।

एनपीएलमा आजै दोस्रो खेलमा दिउँसो १ बजे विराटनगर किङ्ग्स र लुम्बिनी लायन्स खेल्दैछन् । विराटनगर यसअघिका दुई वटै खेलमा पराजित भएको छ भने लुम्बिनीको यो पहिलो खेल हो । उज्यालो