दीपिका र रणबीर सिंहको विवाहमा मोबाइल फोन प्रतिबन्ध!

एजेन्सी। यतिबेला बलिउडमा दीपिका पादुकोण र रणबीर सिंहबीच हुने भनिएको विवाहले निकै चर्चा पाएको छ। उनीहरुको विवाहसँग सम्बन्धित समाचार लगातार आइरहेका छन्। केही दिन अगाडि उनीहरुको विवाहको मिति सार्वजनिक भएको थियो।उनीहरुको विवाह इटलीमा २० नोभेम्बरमा हुँदैछ। योसँगै उनीहरुको विवाह गोप्य तरिकाले हुने बताइएको छ। उनीहरुले विवादलाई निजी विषय बनाउन नयाँ तरिका खोजेका छन्।

भारतीय संचारमाध्यमका अनुसार उनीहरुले आफ्नो विवाहलाई निजी बनाउनकालागि इटलीमा विवाह गर्न लागेको बताइएको छ। उनीहरुको विवाह इटलीको कोमो शहरमा हुने भएको छ।आफ्नो विवाहको गोपनीयता राख्ने क्रममा उनीहरुले विवाहमा आउने पाहुनालाई मोबाइल फोन नल्याउन आग्रह गर्ने भएका छन्। मोबाइलबाट फोटो नखिचुन भनेर उनीहरुले यस्तो आग्रह गर्न लागेको बताइएको छ।

स्रोतलाई उद्धृत गर्दै भारतीय संचारमाध्यमले जनाए अनुसार दीपिका र रणबीरले विवाहमा आउने पाहुनालाई मोबाइल फोन नल्याउन अपिल गरेका छन्। आफ्नो विवाहको फोटो आफ्ना फ्यानलाई आफूहरुले नै सार्वजनिक गर्ने उनीहरुको योजना रहेको बताइएको छ।