प्यूठानमा विङ्गर दुर्घटना, ४ जना गम्भिर घाईते

प्यूठान, ८ भदौ । प्यूठान जिल्लाको बाग्दुला देखि दाङको भालुवाङ तर्फ जाँदै गरेको भे १ ज ८४३ नंम्बरको विङ्गर आज बिहान सरुमारानी गाउँपालिका–४ बड्डडाडा नजिक दुर्घटना हुँदा चालकसहित ४ यात्रु गम्भिर घाइते भएका छन् । दर्भान–बड्डडाडा सडकखण्डको रातामाटामा विङ्गर दुर्घटना भएको हो।

दुर्घटनामा विङ्गर चालक देउखुरीको राप्ती गाउपालिका–२ का ३० वर्षिया मीनबहादुर नेपाली, माण्डवि–३ का ३५ वर्षीया मीनबहादुर खनाल, मरण्ठाना प्युठानका पुर्णबहादुर थापा र तुलसीपुर उपमहानगरपालिकाका–३४ वर्षीया खिमबहादुर विक घाइते भएको जिल्ला प्रहरी कार्यालयका प्रहरी नायब उपरीक्षक निर्मल बुढाथोकीले जानकारी दिए । गम्भीर घाईते चार जनाको दाङको भालुवाङमा प्राथमिक उपचारपछि भैरहवा रिफर गरिएको उनले बताए।दुर्घटनाग्रस्त विङ्गरमा १४ जना यात्रु सवार रहेका थिए। प्रहरीका अनुसार ओरालो र घुमम्ती बाटोमा तिब्र गतिका कारण सो विङ्गर दुर्घटनामा परेको हो ।