भारतबाट फर्केको केही दिनमै प्रचण्ड आज चीन जाँदै !

आज नेकपा अध्यक्ष पुष्पकमल दाहाल प्रचण्ड साताव्यापी चीन भ्रमणका सिलसलामा बेइजिङ प्रस्थान गर्दैछन् । दक्षिण छिमेकी भारत भ्रमणबाट फर्केको एक सातापछि उनको उत्तर छिमेकी चीन भ्रमण हुन लागेको हो ।प्रचण्ड मध्याह्न १२ बजेर पाँच मिनेटमा बेइजिङ उड्ने कार्यक्रम रहेको उनको सचिवालयले जनाएको छ ।

प्रचण्डको बिदाइमा नेकपाका नेताहरु विमानस्थल जानेछन् । प्रचण्डले आफ्नो भ्रमण दुई मुलुकबीच यसअघि भएका सहमति कार्यान्यवनको वातावरण बनाउनमा केन्द्रित हुने बताएका छन् । चीन बसाइमा उनले राष्ट्रपति सी जिफिङ, प्रधानमन्त्री ली खछ्याङ लगायत उच नेतृत्वसँग भेट्ने छन् ।