रसुवामा मोटर दुर्घटनामा १ को मृत्यु ५ घाइते

रसुवा । मोटर दुर्घटना हुँदा आज यहाँ १ जनाको मृत्यु भएको छ भने ५ जना घाइते भएका छन्।प्रमुख जिल्ला अधिकारी कृष्ण पौडेलका अनुसार चार जना नेपाली र एक जना चिनियाँ नागरिक घाइते भएका हुन्। घाइतेलाई उपचारार्थ जिल्ला अस्पताल धुञ्चे ल्याउँदै गरिएको छ।

मृत्यु हुने र घाइतेको पहिचान गर्न घटनास्थलमा प्रहरी परिचालन गरिएको र घटनाको विस्तृत विवरण आउन बाँकी रहेको प्रजिअ पौडेलले बताए।घटना टिमुरेको तातोपानी पारी सर्च ट्याङ्क जाने आयोजनाको सहायक मार्गमा भएको बताइएको छ। माथिबाट ढुङ्गा झरेका दुर्घटना भएको बताइएको छ। ढुङ्गा झरेका कारण त्यस क्षेत्रमा विद्युत्समेत अवरोध भएका जनाइएको छ।