१४ वर्षीया बालिकाको बलात्कार र हत्या रहस्यमय, पक्राउ परेका पाँचैजनालाई सफाइ

सोनमा गाउँपालिका– ८ सिंग्हासिनीकी १४ वर्षीया कविता कुमारी यादवको बलात्कार र हत्या भएको २३ दिन बितिसक्दा पनि हत्यारा पत्ता लाग्न सकेको छैन । प्रहरीले पक्राउ गरेर मुद्दा चलाएका पाँचैजनालाई जिल्ला अदालतले सफाइ दिएको छ ।

सिंग्हासिनीका रामएकवाल यादवकी १४ वर्षीया छोरी कविता १२ भदौदेखि हराएकी थिइन् । उनको शव १४ भदौमा गाउँकै रामजानकी कुटीस्थित इनारमा भेटिएको थियो । सो दिन नै प्रहरीले सो ठाउँका रामजीवन राउत कुर्मीलाई पक्राउ गरेको थियो । यो खबर आजको नयाँ पत्रिका दैनिकले छापेको छ ।