नेकपाको सचिवालय बैठक आज बस्दै

काठमाडौँ, २१ असोज । पार्टीभित्र व्यापक असन्तुष्टि बढ्न थालेपछि प्रमुख सत्तारुढ दल नेकपाको सचिवालय बैठक आज बस्दैछ ।सरकारको काम–कारबाही र प्रदेश पदाधिकारीको चयनलाई लिएर पार्टीभित्र व्यापक असन्तुष्टि रहेको भन्दै नेकपा सचिवालय बैठक बस्न लागेको हो ।

आइतबार अपराह्न ४ बजे बस्ने नेकपाको बैठक यही विषयमा केन्द्रित हुने प्रधानमन्त्रीको सचिवालयले जनाएको छ । पार्टीका वरिष्ठ नेता माधवकुमार नेपाल र प्रवक्ता नारायणकाजी श्रेष्ठले पार्टीको कामकारबाहीलाई लिएर खुलेरै आलोचना गरेका थिए । उनीहरु विदेश भ्रमणमा रहेका बेला बसेको सचिवालय बैठकले प्रदेश कमिटीको जिम्मेवारी तोकेपछि खासगरी नेपाल समूहले यसमा चर्को असन्तुष्टि जायर गर्दै आइरहेका छन् ।