१० वर्षले कान्छा प्रेमी निकसँग प्रेममा रहेकी प्रियंका अमेरिकी बुहारी हुन सक्ने, प्रियंकाकी आमा यसो भन्छिन्

चर्चित बलिउड अभिनेत्री प्रियंका चोपडाको नाम पछिल्लो समय हलिउड अभिनेता तथा गायक निक जोनससँग जोडिए पछि उनी अमेरिकी बुहारी हुन सक्ने बताइएको छ ।

भारतिय संचार माध्यमका अनुसार निक जोनसको परिवार प्रियंकालाई बुहारी बनाउन तयार रहेको छ । तर प्रियंकाकी आमा मधु चोपडाले छोरीको अफेयरबारे चलेका हल्ला गलत भएको प्रतिक्रिया दिएकी छिन् ।हालै प्रियंका निक जोनसको भतिजीको बिहेमा सरिक भएपछि भारतिय मिडिया गर्माएको थियो ।

निक जोनस भने प्रियंकामाथि आफ्नो सारा ध्यान लगाइरहेको र प्रियंकालाई आफू खास रहेको महसुस गराउन सक्दो प्रयास गरिरहेको बताइएको छ ।समाचारमा जनाइएअनुसार निकले प्रियंकासँगको सम्बन्धलाई बिहेमा परिणत गर्न खोजेको बताइएको छ । चाँडै नै उनले यसबारे घोषणा गर्ने अनुमान पनि भारतीय मिडियाहरूले गरेका छन् ।