चर्चाको विषय : मेस्सीको ‘खेल’ र ओलीको ‘रेल’, पूरा होला त दुवैको सपना ?

• नवीन राई

काठमाडौं । अहिले नेपालमा धेरै चर्चाको रुपमा रहेको  रुसमा जारी विश्वकप ‘खेल’ र प्रधानमन्त्री केपी ओलीको चीन भ्रमण तथा ‘रेल’ हो  । रुसमा जारी विश्वकपले एक-अर्काको समर्थकहरूमा दोहोरी नै चलेको छ- सामाजिक सञ्जालमा । हुन त विश्वकपलाई फुटबलको महाकुम्भ मेला भनेर पनि भनिन्छ, त्यसैले पनि विश्वकप फुटबलको त चर्चा हुन्छ नै । विश्वकपसँगै नेपालमा अहिले अर्को मुख्य चर्चाको विषय बनेकाे छ- ‘रेल’।

रेल नेपालमा अहिले चर्चाको विषयमा रहुन कारण प्रधान्मत्री केपी शर्मा ओलीको ६ दिने चिन भ्रमणले हो, चीनले नेपालमा रेल बनाइदिने उद्घाेस गरेकाे छ। उता दक्षिणी छिमेकी भारतले पनि काठमाडाैँ सम्म रेल वे बिछ्याइदिने बताइरहेकाे छ । नेपालीहरू भने रेलकाे सपना देखेर मख्ख छन् । तर अाखिर के याे सपना पूरा हाेला त ? कति समय लाग्ला ? यसबारे चर्चा र बहस जारी छ ।

मेस्सीको ‘खेल’

जारी विश्वकपको धेरै चर्चामा रहेको टिम हो- अर्जेन्टिना । अहिले अर्जेन्टिनाको र मेस्सीको धेरै चर्चा भएको पाइन्छ । सन २०१४ को उपविजेता बनेको अर्जेन्टिनालाई जारी विश्वकपको अन्तिम १६ मा प्रवेश गर्न पनि निकै कठिन देखिएको छ । मेस्सीलाई विश्व फूटबलका सर्वेश्रेष्ठ खेलाडी मान्छन् । तर रुस विश्वकपमा भने अहिलेसम्म अर्जेन्टिनाको तर्फबाट जाँदू देखाउन सकेका छैनन् ।

स्टार भएका कारण नै विश्वकप सुरु हुनुभन्दा पहिला लियोनल मेस्सीको न्यूयोर्कको एक पत्रिकाले फोटोशूट गरेको थियो । फोटोशूटमा मेस्सी एक बाख्रासँग देखिएका थिए । पत्रिकाले बाख्रासँगको मेस्सीको फोटो छापेको थियो । साथै उक्त म्यागेजिनले मेस्सीको नामको तल G..O..A…T  ‘गट’ लेखेको थियो । G..O..A…T अर्थात् बाख्रा नभएर ‘greatest of all time’ (सधैँ सर्वश्रेष्ठ) हाे ।

तर विश्वकपमा भने नवप्रवेशी आइसल्याण्डसँगको खेलमा पेनाल्टी हान्न चुके उनी । त्यसपछि उनको विभिन्न ट्रोल बेनको छ । अब मंगलबार राति हुने खेलले पनि अर्जेन्टिना र मेस्सीको धेरै चर्चा भइरहेको छ । मंगलबार हुने खेलले अर्जेन्टिना अन्तिम १६ मा पुग्ने नपुग्ने भन्ने टुगों लाग्ने छ ।

दुईवटा खेलमा खराब प्रदर्शन गरेको अर्जेन्टिनाले बाँकी खेलमा राम्रो प्रदर्शन गर्ने सबैले आसा राखेका छन् तर प्रदर्शन कस्तो गर्छ भन्ने भोलि राति हुने नाइजेरियासँगको खेलले नै बताउने छ । कतिले अर्जेन्टिना कम्जोरी हुनुमा प्रशिक्षक जर्ज साम्पाओलीको कम्जोरी बताएका छन् । अर्जेन्टिनाको प्रदर्शन कम्जोरी भएपछि प्रशिक्षक जर्ज साम्पाओली बर्खास्तमा पर्नसक्ने खबरहरू पनि आए ।

प्रशिक्षक कमजोर भएको भन्दै नाइजेरियाविरुद्ध खेल्ने टिमको टुंगो लिओनल मेस्सीसहितका खेलाडीहरू आफैँले लगाउने भएका छन् । शनिबार खेलाडीहरू र प्रशिक्षकको बैठकले यस्तो निर्यण निकालेको हो ।

हिजो ‘जुलाई २४’ मा मेस्सीको जन्मदिन थियो । आफ्नो जन्मदिनमा उने अर्जेन्टिनालाई विश्वकपको उपाधि नदिलाई खेलमा सन्यास नलिने बताएका छन् । यो पनि देश विदेशको सञ्चार माध्यमा चर्चाको विषय बनेको छ । आफ्नो ३१औँ जन्मदिनका अवसरमा मेस्सीले फुटबलको सबैभन्दा ठुलो प्रतियोगिता विश्वकप उपाधि अाफ्नाे देशलार्इ नदिलाउन्जेल आफ्नो ‘बुट’ नथन्काउने बताएका छन्  । उनले यसलार्इ सपनाकै रूपमा लिएर त्याे पूरा गरिछाड्ने बताए ।

अन्य टिम र देशको पनि चर्चा नभएको भने होइन तर अर्जेन्टिना र मेस्सीको जतिके चर्चामा आएको पाइन्दैन । ब्राजिलको नइमार, बेल्जियमका रामेलु लुकाकु, पोर्चुगलको रोलन्डो, नाइजेरियाका मुसा र अन्य देश र खेलाडीहरू पनि चर्चामा रहेका छन् ।

ओलीको ‘रेल’

असार ५ गतेदेखिको ६ दिने चीन भ्रमण सकेर स्वदेश पर्किएका प्रधानमन्त्री तथा नेकपा अध्यक्ष केपी शर्मा ओलीले रेलकाे सपना निकै बाँडेका छन् ।

उनले भ्रमणका क्रममा भएका महत्त्वपूर्ण सम्झौता उल्लेख गर्दै रेलमार्ग निर्माण सम्झौता चिनियाँ राष्ट्रपतिको चाहना र नेपालको आवश्यकता अनुरूप रहेको बताएका छन् । अहिले सम्भाव्यता अध्ययनको क्रममा रहेको रेलमार्ग केही वर्ष भित्रमा नेपाल आउने जिकिर समेत गरेका छन् ।

रेलका कुराको काठमाडौँमा ठूलै चर्चा थियो । प्रधानमन्त्री ओलीले नेपालमा चिनिया रेल ल्याउने सम्झौता नै गरेर फर्कनेछन् भनेर विश्वास गर्नेहरू पनि धेरै थिए । सम्झौताको नभए सहमतिपत्रमा हस्ताक्षर भएकाले पनि चिनिया राष्ट्रपतिले रेलमार्गको नेपाली सपनालाई कार्यान्वयन गरिने संकेत दिएकाले रेल आउने पक्का भएको छ भन्दा फरक नपर्ला !

सम्भव होला मेस्सीको र ओलीको सपना ?

मेस्सीको सपना

अर्जेन्टिनी स्टार मेस्सीको ठूलो सपना भने आफ्नो देशलाई विश्वपकको उपाधि दिलाएरै छाड्ने । उनले बार्सिलोना क्लबमार्फत धेरै उपाधि दिलाएका छन् तर देशको लागि भने ठूलो उपाधि दिलाउन सकेका छैनन् ।

तीनवटा ठूला उपाधिको फाइनलमा पुगेको अर्जेन्टिनालाई यसपाली कतिले त अभागी टिमको रूपमा पनि लिएका छन् । आज भन्दा चार वर्षअगाडि ब्राजिलमा भएको विश्वकपमा पनि जर्मनीसँग थप समयमा १-० गोलो हार बेहोरेको थियो ।

उनले जन्मदिनमा विश्कपको उपाधि नदिलाई सन्यास नलिने बताएका छन् । तर मेस्सीको टिम कमजोर छ । विश्वकपको उपाधि भने यो पालामा दिलाउन निकै गाह्रो रहेको देखिन्छ । विश्वकपको छनोट हुँदा पनि मुस्किलले छनोट भएको अर्जेन्टिनाले विश्वकपमा पनि राम्रो प्रदर्शन गर्ने सकेको छैन ।

हिजो अाइतबार ३१ औँ जन्मदिन मनाएका मेस्सी अब कतारमा हुने सन २०२२ को विश्वकपमा भने भाग लिने सम्भावना धेरै छ । यसपालिको विश्वकप र कतारमा हुने अागामी विश्वकपमा मेस्सीले विश्वकप उपाधि जर्नेन्टिनालाई दिलाएनन् भने उनको सपना अधुरै रहेन छ । तर मेस्सीले विश्वकपको उपाधि नजिताए पनि उनले विश्वको सर्बश्रेष्ठ खेलाडीको रूपमा भने स्थान बनाइसकेका छन् ।

ओलीको सपना

नेपालमा चिनियाँ रेल ल्याउने कुरा गर्नु जति सजिलो छ, त्यो सपना पूरा गर्न निकै कठिन पनि छ । त्यसका लागि अहिल्यैदेखि बृहत गृहकार्य गर्नु आवश्यक छ । चिनियाँ रेललाई नेपालसम्म ल्याउने काम भौगोलिकरूपमा जटिल त छ नै लगानीकाे विषय पनि उत्तिकै पेचिलाे छ ।

नेपालमा रेलबारे जानकारी राख्ने विशेषज्ञहरू छैनन् । अहिलेको सरकारी कर्मचारीको संरचनाले यो काम गर्न पनि सक्तैन ।रेल चढेर घुम्न सकिएला । तर प्रधानमन्त्री ओलीकै पालामा रेल नआए पनि यसको सुरुवात गर्ने श्रेय चाहिँ इतिहासले ओली र चिनिया राष्ट्रपति सीलाई नै दिनेछ ।

हामी भू-राजनीतिको एउटा अप्ठयारो स्थितिभित्र च्याप्टिएर बसेका छौं । हाम्रो देशका निर्माता बडामहाराजाधिराज पृथ्वीनारायण शाहले नेपाललाई दुई ढुंगाको तरुल संज्ञा दिएका थिए । अचेल तरुल बुझ्ने मानिसहरू कम हुँदै गइरहेको आधुनिक युगमा ‘नेपाललाई उत्तरमा चीन र दक्षिणमा भारतबीच स्यान्डविच’ जस्तो रोटी मान्न थालेका छन् । हामीले विदेशतिर नेपालको परिचय दिँदा पनि हामी उत्तर र दक्षिणका शक्तिशाली राष्ट्रबीच स्यान्डविच भएर बाँचिरहेका छौं भन्छौं ।