फोटोफिचर सहीत ११ दिनदेखि फसेका १२ थाई किशोरहरु गुफाभित्र के गर्दैछन्?सेनाले बाहिर ल्यायो यस्ता तस्विर

थाइल्यान्डको एक गुफामा करिब ११ दिनदेखि थुनिएका १२ किशोरलाई अझै गुफाबाट उद्दार गर्न सकिएको छैन् । फुटबल प्रशिक्षकको नेतृत्वमा गुफाको अवलोकनमा पुगेका उनीहरु एक्कासि बाढी आएपछि त्यहाँ फसेका थिए । बाढीले गुफाको अगाडिको भाग छोपिएपछि उनीहरुको उद्धार गर्न कठिनाई भएको थियो । थाई सेना र अन्तर्राष्ट्रिय गोताखोरहरुको समुह निकै प्रयासपछि गुफाभित्र पुग्न सफल भएको थियो । सेना र गोत्ताखोरहरुको समुहले १२ किशोर जीवितै र स्वस्थ्य रहेको भीडियो सार्वजनिक गरेका छन् । उनीहरुलाई त्यहाँ स्वास्थ्य उपचार र खानाको व्यवस्था समेत सेनाको टोलीले गरिरहेको जनाइएको छ ।

उनीहरुलाई कसरी उद्दार गर्ने भन्ने बारेमा थाई सरकारले आनतारिक तयारी गरिरहेको समेत अन्तर्राष्ट्रिय सञ्चारमाध्यमहरुले जनाएका छन् । पीडामा रहेका आफन्तहरुलाई सामुहिक रुपमा भिडियो लाइभमार्फत किशोरहरुको समुहलाई देखाइएको छ । उक्त भीमकाय दुर्घटमा थाई सेना, बेलायत लगायतका देशहरुबाट झिकाइएका कुशल गोत्ताखोर कसरी गुफाभित्र पस्न सफल भए ? अहिले ती किशोरहरुको अवस्था कस्तो छ । प्रस्तुत छ थाई सञ्चारमाध्यमहरुले सार्वजनिक गरेका केही तस्विरहरु ।