शरीरभरी कालो धब्बासहित बच्चा जन्मिएपछि तर्सिए डाक्टर, यस्तो छ अहिलेको अवस्था( फोटो फिचर सहित)

एजेन्सी। अमेरिकाको अटलान्टामा ५ वर्षअघि एक बालक शरीरभरी कालो धब्बासहित जन्मिए । डाक्टरले उनको अवस्था देख्नासाथ बुझिसकेका थिए कि सबथोक ठिक छैन । बच्चा कन्जेनिटल मेलानोसाइटिक नेवर नामको गम्भीर स्वास्थ्य अवस्थाबाट ग्रसित थिए । यसले भविष्यमा क्यान्सर हुने खतरा थियो । डाक्टरले बच्चाको स्वास्थ्य अवस्था र भविष्यमा गर्नुपर्ने अपरेशनको बारेमा परिवारलाई सचेत गराए । अहिलेसम्म ती बालकको २६ पटक अपरेशन गरिसकिएको छ तर यी काला धब्बा पूर्ण रुपमा हटेका छैनन् ।

जर्जियाको अटलान्टा सहरमा ५ वर्ष पहिले जन्मिएका डिलान निकै चर्चाको विषय बने । उनको शरीर बर्थमार्कको बाला धब्बाले भरिएको थियो । उनको पीठ भने पूरै कालो थियो । जन्मनासाथ डाक्टरलाई उनको अवस्थाको अनुमान भइसकेको थियो । बच्चा कन्जेनिटल मेलानोसाइटिक नेवरबाट पीडित थिए । यो समस्याले छालाको क्यान्सर हुने खतरा अत्याधिक हुन्छ । डाक्६रले डिलानकी आमा कारालाई यसबारे सबै बताए । डाक्टरले भने कि यी बालकले जीवनको सुरुवातका केही वर्ष कैयौं सजरीको सामना गर्नुपर्नेछ ।

काला धब्बाले डिलानको पूरै पीठ भरिएको थियो जसलाई डाक्टर पूर्ण रुपमा हटाउन चाहन्थे । यसको लागि डाक्टरहरुलाई बच्चाको शरीरबाट थप छालाको आवश्यकता थियो । तर, बच्चाको शरीरबाट यति धेरै छाला पाइनु सम्भव थिएन । डिलान केही ठूलो भएपछि डा६रले उनको सर्जरी गर्ने फैसला गरे । अपरेशन निकै कठिन थियो किनकि यसमा अत्याधिक छालाको प्रत्यारोपण गर्नुपर्ने थियो । उनीहरुले बच्चाको शरीरको सही ठाउँमा छाला इम्प्लान्ट गरे । त्यसपछि त्यहाँबाट छाला निकालेर प्रभावित ठाउँमा छाला ट्रान्सप्लान्ट गरे । ५ वर्षको उमेरसम्म उनको २६ अपरेशन गरिसकिएको छ । अहिलेसम्म उनको शरीरबाट आधा काला धब्बा मात्र हटाउन सकिएको छ ।

डिलानले हरेक ३ वा ६ महिनामा अपरेशन गर्नुपर्छ । शरीरको कुन भागको अपरेशन गर्नुपर्ने हो त्यो अनुसार अपरेशनको अन्तर घटीबढी हुन सक्छ । उनको परिवार चाहन्छन् कि डिलानको शरीरमा यी बर्थमार्क फेरि कहिल्यै नफर्किउन् किनकि यिनीहरुले पछि क्यान्सरको रुप लिन सक्छन् । पटक पटक अपरेशनको सामना गर्दा पनि डिलान खुसी रहेको उनकी आमा कारा बताउँछिन् । उनीहरु यही कोसिसमा लागेका छन् कि डिलानलाई लामो र स्वस्थ जीवन दिन सकियोस् ।