प्रधानमन्त्रीले नै त्यसो भनेपछि

काठमाडौँ, ५ मंसिर । हुन पनि प्रमुख विपक्षी दलको नेता भएर अहिले शेरबहादुर देउवा ओली सरकारविरुद्ध बोलिरहेका छैनन् । पहिला बातैपिच्छे ‘अधिनायकवादी’ भन्ने उनको मौनतालाई उनकै पार्टीका प्रभावशाली नेता शेखर कोइरालाले अथ्र्याएका छन्, मिलेमतोको रुपमा ।

शेखरले गतसाता प्रम केपी ओलीसँग भेटेका थिए । शेरबहादुरलाई टक्कर दिने गरी अगाडि आउने तयारीमा रहेका उनले विराटनगर पुगेर कार्यकर्तामाझ त्यो भेटबारे ब्रिफिङ गरेका छन् । ‘सिके राउतको कुरालाई उ छालेर कतै केपी ओली संघीयतालाई खारेज गर्नेतिर त जाँदै छैनन् ?’ उनले केपी र देउवाबीच ट्युनिङ मिलेको सुनाए । केपीले संघीयता घातक भएको निश्कर्ष निकाल्दैछन् भन्ने छनक शेखरले पाएका रहेछन् । ‘सिकेलाई राज्यले नै संरक्षण गरेर देश बिखण्डनतिर जाने भयो भन्दै संघीयता आफैँ भाँड्न त खोज्दै छैनन् ?’

कुराकानीका क्रममा शेखरले भने । केपीले भनेका रहेछन् ‘हुँदाहुँदा २ नं. प्रदेशका मुख्यमन्त्रीले समेत कर्के नजर लगाउँदैछन् । के त्यो म व्यक्तिलाई गरेको हो र ? सिष्टमलाई च्यालेञ्ज गरेको हो नि ! यस्तोमा तपाईलाई पनि हामीलाई पनि साथ दिनुपर्छ ।’ आफू अचम्ममा परेको भन्दै उनले सुनाए, ‘एकातिर देउवाप्रति सफ्ट, अर्कातिर संघीयताप्रतिको फ्रस्टेसन । म त अचम्मै परेँ ।’