राजपामा चरम विवाद, बैठक नै बस्न सकेन

काठमाडौं, १२ मंसिर । राष्ट्रिय जनता पार्टी (राजपा) नेपालभित्र देखिएको आन्तरिक विवादका कारण बैठक अनिश्चितकालका लागि स्थगित भएको छ ।

राजपा नेपाल अध्यक्षमण्डलको बैठक सोमबार १ बजेका लागि बोलाइएको थियो तर बैठक बस्न सकेन । अध्यक्षमण्डलका सदस्य राजकिशोर यादवले भने आफू अनुपस्थित रहेकाले बैठक स्थगित भएपनि यसै हप्ता बैठक बस्ने बताए ।

राजपा अध्यक्षमण्डलको केही दिन पहिला बसेको बैठकले बहुमतको आधारमा महन्थ ठाकुरलाई हटाउँदै राजेन्द्र महतोलाई नयाँ संयोजक बनाउने निर्णय गरेको थियो । महतोलाई नयाँ संयोजक बनाइएसँगै पार्टीमा विवाद चुलिएको हो ।