कहिले सार्वजनिक हुन्छ ‘क्याप्टेन’को गीत ?

काठमाडौं। अनमोल केसी अभिनीत चलचित्र ‘क्याप्टेन’को पहिलो गीत यहिँ बिहिबार रिलिज हुँदैछ। निर्माता भुवन केसीले जानकारी दिएअनुसार बिहिबार चलचित्रको गीतको रिलिज गर्ने कार्यक्रम रहेको छ।

गीतमा नायक अनमोल केसी र नायिका उपासना सिंह ठकुरीलाई फिचर्ड गरिएको छ। चलचित्रमा नायक अनमोल केसीलाई पहिलो पटक फुटबल खेलाडीको रुपमा प्रस्तुत गरिएको छ।

चलचित्रमा प्रियंका एमभी, सुनिल थापा, प्रशान्त ताम्राकार, वुद्दि तामाङ, विल्सन विक्रम राई लगायतका कलाकारको पनि भूमिका छ । दिवाकर भट्टराईको निर्देशनमा बन्न लागेको चलचित्रको निर्माता भुवन केसी र अनमोल केसी रहेका छन्। चलचित्रमा सामिप्यराज तिमल्सिनाको कथा रहेको छ।

हेर्नुस् हिट नेपालको यो भिडियो रिपोर्ट।