कल्याणकारी प्रथम सांगितीक धमाकाको तयारी पूरा, दुर्गेश थापाले आउदो शुक्रबार कुवेत तताउने !

कमल सिंह ठकुरी-
डिसेम्बर १०, कुवेत : आउदो शुक्रबार डिसेम्बर १४ तारीख कल्याणकारी नेपाली युवा समाज कुवेतको आयोजनामा हुन लागेको “कल्याणकारी प्रथम सांगितीक धमाका २०७५” को तयारी पूरा भएको समाजले जानकारी दिएको छ।

कार्यक्रममा धमका मच्चाउन चर्चित लोकपप गायक, मोडल तथा डान्सर दुर्गेश थापा सगै स्थानीय कलाकारहरुको पनि बेजोड प्रस्तुति रहने समाजले जानकारी दिएको छ।

साथै उपस्थितिका लागि कुवेतमा रहनुभएका समाजसेवी, बुद्धिजीवी, पत्रकार, कलाकार, खेलाडी, विभिन्न राजनीतिक दलका प्रतिनिधि, युवाबर्ग साथै नेपाली दाजुभाइ तथा दिदिबहिनीहरुलाई पत्र पठाईसकिएको र कोहि कसैले पत्र प्राप्त गर्नु भएको छैन भने यसै समाचारलाई आधार मानी यहाँहरुको गरिमामय उपस्थितिको लागि समाजका अध्यक्ष निरज सिंह ठकुरीले अनुरोध समेत गरेका छन।

उपस्थितिका लागि
स्थान : इन्डियन सेन्ट्रल स्कुलको हल, जिलिब

मिति : १४ डिसेम्बर २०१८ शुक्रबार

समय:- दिनको १२:३० बजे

आयोजक : कल्याणकारी नेपाली युवा समाज कुवेत।