पूर्वराजा पोखरा पुग्दा समर्थकको तछाडमछाड (भिडियो)

पोखरा। पूर्वराजा ज्ञानेन्द्र शाह पोखरा आउँदा धेरै सर्मथकहरुले भेट्न त के देख्न समेत पाएनन् । पूर्व निर्धारित समय भन्दा केही ढिला आएका उनी पोखरा विमानस्थलमा पत्रकार, हिन्दु धर्म समर्थक, राजसंस्थाको पक्षमा वकालत गर्नेहरू, राप्रपा नेपालका नेता तथा कार्यकर्ताहरू साथै सर्वसाधरणहरुको ठुलो घुइँचो थियो।

पत्रकारको पङ्क्ति ठुलो मात्रामा उपस्थित थियो तर क्यामराका साथमा उनीहरूले ज्ञानेन्द्र शाहको भिडियो र तस्बिर राम्रोसँग लिन पाएनन् । ज्ञानेन्द्र शाहलाई अभिनन्दन गर्न, फुल दिन, माला लगाउन लाइनमा बसेकाहरू माला चुँडाएर फुल मात्र माथिबाट बर्साएका थिए । भीडमा ज्यान जोखिम बनाएर घुस्नेहरूले मात्र शाहलाई देख्न पाए अरू उपस्थितहरू भने टाढाबाट तछाडमछाड गर्दै बाहिरिएको भिड हेरेर चित्त बुझाए ।