क्रिसमस मनाउन अर्जेन्टिना पुगे लियोनल मेस्सी

काठमाडौँ, १० पुस । बार्सिलोनाका स्टार खेलाडी लियोनल मेस्सी अर्जेन्टिना पुगेका छन् ।क्रिसमस मनाउन उनी अर्जेन्टिना पुगेका हुन् । सेल्टा भिगोविरुद्ध २-० गोलको जित निकालेपछि मेस्सी सपरिवार अर्जेन्टिना लागेका थिए ।

उनी पत्नी एन्टोनिला रोकुजा र छोराहरु माटियो, थियागो र सिरोलाई लिएर अर्जेन्टिना पुगेका हुन् ।उनी जनवरी २ मा ट्रेनिङका लागि बार्सिलोना फर्किनेछन् । जनवरी ६ मा बार्सिलोनाले गेटाफेविरुद्ध खेल खेल्दैछ । लिग लिडर बार्सिलोनाको ३७ अंक रहेको छ ।