रवि र इशा डिभोर्सपछि एक अर्काको चरित्रहत्यामा लाग्दा दुनियाँलाई रमिता

काठमाडौँ, २६ पुस । उत्सवबाट सुरु हुने वैवाहिक सम्बन्ध तमासा बनाएर टुंग्याउन कसले चाहला ? जीवन हो, सधैँ चाहेको मात्रै कहाँ हुन्छ ? हुन्थ्यो भने त टेलिभिजन कार्यक्रम पस्तोता रवि छामिछाने र ईशा श्रेष्ठबीच सुरु भएको वैवाहिक यात्रा २४ वर्षपछि तमासा बनेर टुंगिदैनथ्यो। अमेरिकामा रहेकी ईशा नेपाल आएर मंसिर ९ मा रविसँग छोडपत्र गरेर उतै फर्किइन्। रवि यतै छन्।

ईशाले रविलाई चौथो श्रीमतीको लागि शुभकामना दिँदा रविले श्रीमतीको प्रेमी गनेर बस्न नसकेको तितो प्रतिक्रिया फेसबुकमार्फत् सार्वजनिक गरेर व्यक्तिगत जीवनलाई तमासा बनाएका छन्।

इशाले आफूसँग डिभोर्सै नगरी रविले अर्की युवतीसँग विवाह गरेर छोरा जन्माएको बताएकी छन्। रविले भने श्रीमतीका प्रेमी गनेर बस्न नसकेपछि छोडपत्र गरेको बताएका छन्।