

युरोपियन च्याम्पियन्स लिग : चोटले सताएको पीएसजी, फर्ममा रहेको म्यानचेस्टर युनाइटेड

युरोपियन च्याम्पियन्स लिगको प्रिक्वार्टरफाइनलका खेलहरु मंगलबारदेखि सुरु हुँदैछन् । जसमा मंगलबार दुई जाइन्ट क्लब पेरीस सेन्ट जर्मेन र म्यानचेस्टर युनाइटेड खेल्दैछन् । अर्को खेल रोमा र एफसी पोर्तोबीच हुनेछ ।
इंग्ल्याण्डको वल्र्ड ट्राफोर्डमा खेल्ने तयारीमा रहेको पीएसजीलाई खेलाडीको चोटले सताएको छ । स्टार खेलाडी नेइमार, थोमस मुनियर र इडिन्सन काभानी चोटका कारण टिममा हुने छैनन् । पछिल्लो पटक काभानी हिपको चोटका कारण बाहिर भएका छन् । आफ्ना मुख्य खेलाडी बिना नै इंग्ल्याण्ड पुगेको पीएसजी विरुद्ध घरेलु टिम भने आफ्नो प्रिमियर लिगको फर्मलाई कायम राख्न चाहन्छ ।
पछिल्ला ११ खेलमा अपराजित रहेको युनाइटेड सन् २०१४ पछि क्वार्टरफाइनलमा पुग्ने लक्ष्यमा रहेको छ । मंगलबारको खेलमा प्रशिक्षक गुनरले मार्कुस रासफोर्ड, एलेक्सिस सान्चेज र जेसी लिंगार्डलाई टिममा राख्ने संभावना रहेको छ । तीनै खेलाडीलाई फुलहाम विरुद्धको खेलमा बेन्चमा राखिएको थियो । तीन पटकका च्याम्पियन युनाईटेडले पछिल्ला नौ नकआउट खेलमा एकमात्र जितेको छ । त्यो पनि डेविड मोयजको प्रशिक्षणमा ५ वर्ष अगाडि हात पारेको थियो । म्यानचेस्टर युनाइटेड र पीएसजी च्याम्पियन्स लिगमा पहिलो पटक खेल्न लागेका हुन् ।
युरोपियन प्रतियोगितामा म्यानचेस्टर युनाइटेडलाई उसको मैदानमा कुनै पनि टिमले हराउन सकेको छैन । यता पीएसजीले पछिल्ला १० अवे खेलमा एकमा मात्र जित निकालेको छ । च्याम्पियन्स लिगको समूह चरणमा पीएसजीले सबैभन्दा धेरै १७ गोल गरेको थियो । नयाँ प्रशिक्षक गुनरको रणनीतिमा खरो उत्रिएको म्यानचेस्टर युनाइटेडले च्याम्पियन्स लिगमा भने समूह चरणमा सात गोलमा चार गोल ८५ मिनेटपछि गरेको छ । मंगलबार नै इटालियन क्लब रोमा र एफसी पोर्तोबीच प्रतिस्पर्धा हुनेछ ।
February 12, 2019 10:07 am | टप
प्रतिकृयाहरू :
समाचारहरु:

भर्खरै प्रकाशित

वीरगञ्जमा अहिलेसम्म १ सय ३६ जनामा हैजा सङ्क्रमण

नेपालकी लोकप्रिय लोकदोहोरी गायिका प्रीति आले, भोलि बिहान १०:३० बजे कुवेत आउदै।

स्वास्थ्य बीमा समयमा नवीकरण नगरे चार गुणासम्म थप शुल्क लगाउने सरकारको चेतावनी

दाङको देउखुरीमा टिप्परको ठक्कर बाट मोटर साइकालमा स्वारी दुई जाना मध्य एक जनाको मिर्त्यु

एकदिवसीय शृङ्खलाको पहिलो खेलमा दक्षिण अफ्रिकाले अस्ट्रेलियालाई हरायो

नेपाल कुवेत संस्कृतिक मन्चले आयोजना गरेको हरितालिका तिज बिशेष सांगितिक धमका २०२५

इजरायली राष्ट्रपतिसँग विपिनकी आमा र बहिनीको भेट

किरात राई यायोक्खा कुवेतको चौथो अधिवेशन १२ सेप्टेम्बरमा केन्द्रिय अध्यक्ष जीवन हाताचो राई कुबेत आउँदै

