पत्नीकाे उपचार गर्न प्रचण्ड आज अमेरिका जाँदै

काठमाण्डौ – नेकपाका अध्यक्ष पुष्पकमल दाहाल प्रचण्ड श्रीमती सीताको उपचारका लागि आइतबार अमेरिका जाने हुनुभएको छ ।

प्रचण्ड श्रीमती सीता, छोरी गंगा र ज्वाईँ जीवन आचार्यसहित आइतबार बेलुकी ५ बजे अमेरिका जान लाग्नुभएको हो । अमेरिकाको मेरिल्याण्डमा रहेको जोन हकिन्स अस्पतालमा सीताको उपचार गर्ने तय भएको उहाँको पारिवारिक श्रोतले जनाएको छ ।

उहाँहरु झण्डै २ हप्ता अमेरिका बस्नुहुनेछ ।प्रचण्ड पत्नी सीतालाई पार्किन्सन्स, उच्च रक्तचाप र मधुमेहको समस्या छ । उहाँको उपचार यसअघि, सिंगापुरमा गरिएको थियो ।