जनताले आवश्यक परे फेरि बन्दुक उठाउन सक्छन् : वैद्य

क्रान्तिकारी माओवादीका महासचिव मोहन वैद्यले सत्ताधारी नेकपा ‘कम्युनिष्टहरुलाई बदनाम गर्ने र विदेशीको हित संरक्षण गर्ने शक्ति’मात्रै भएको आरोप लगाएका छन् । देशभक्त गणतान्त्रिक मोर्चाको प्रथम राष्ट्रिय सम्मेलनको आज राजधानीमा उद्घाटन गर्दैै उनले जनताले आवश्यक परेको खण्डमा फेरि बन्दुक पनि उठाउन सक्ने चेतावनी दिए ।

कार्यक्रममा मोर्चाका अध्यक्ष सीपी गजुरेलले केपी ओली सरकारलाई हटाउन सडक आन्दोलनमात्र विकल्प रहेको बताए । कार्यक्रमका अन्य वक्ताहरुले पनि ओली सरकारको चर्को विरोध गरेका थिए । उनीहरुले विप्लव समूहलाई प्रतिबन्ध लगाउनु उचित नभएको बताएका थिए ।