‘अर्जुन र मलाइकाले विवाह गरे हुन्छ’

एजेन्सी । बलिउडमा अर्जुन कपूर र मलाइका अरोराको सम्बन्ध चर्चामा रहेको छ । अर्जुनले अरबाज खानकी श्रीमती मलाइकासँग सम्बन्ध विस्तार गरिसकेका छन् । उनले मलाइकासँग बोलीचाली केही ज्यादा नै गर्न थालिसकेका छन् । उनीहरु विवाहको तयारीमा समेत रहेको मिडिया रिपोर्टमा चर्चा भएको छ । 

कुनै समय खान परिवारभित्र यो कुरा थाहा थिएन । तर, जब अर्जुनले अर्पितासँग ब्रेकअप गरे तब मिडियामा अर्जुन र मलाइकाको सम्बन्धबारे राजीव मसन्दले कसैको पनि नाम नलिई सबै कुरा छरपष्ट पारिदिएका थिए । त्यसपछि खान परिवारमा झै झगडाको वातावरण सुरु हुन पुग्यो । अरबाज र मलाइकाको सम्बन्ध मिलाउन सलमान खानले अहम भूमिका खेलेका थिए । 

उनले अर्जुनलाई बलिउडबाट बाइकट नै गर्ने धम्की दिए । तर, उनको प्रयास सफल हुन सकेन । अन्ततः मलाइका र अरबाजले १८ वर्ष लामो वैवाहिक सम्बन्धलाई टुग्याउने निर्णय लिए । डिभोर्स लगत्तै अर्जुन र मलाइकाको सम्बन्ध छताछुल्ल भयो । उनीहरु खुलेआम नै एक अर्कालाई डेट गर्न थाले । केही बलिउड कलाकारहरुले त उनीहरु विवाहको तयारीमा समेत रहेको बताए । प्रियंका चोपडाले उनीहरु विवाह गर्दा हुने समेत बताएकी थिइन् ।