बलिउड अभिनेता अभिषेक बच्चन र ऐश्वर्या राय यतिबेला माल्दिम्समा रोमान्स गर्दै

मुम्बई। बलिउड अभिनेता अभिषेक बच्चन र ऐश्वर्या रायबीच विवाह भएको १२ वर्ष पूरा भएको छ। उनीहरुले २० अप्रिल २००७ मा विवाह गरेका थिए। बैवाहिक एनिभर्सरी मनाउनकालागि ऐश्वर्या र अभिषेक यतिबेला माल्दिम्समा छन्। माल्दिभ्सको नियामा आइल्याण्डबाट उनीहरुका कोही फोटो सार्वजनिक भएको छ। एउटा फोटोमा अभिषेक र ऐश्वर्याले एकअर्कालाई अंकमाल गरेर रोमान्टिक पोज दिएका छन्। ऐश्वर्याले गाढा निलो रङको गाउन लगाएकी छन् भने अभिषेक जीन्स–शर्टमा देखिएका छन्।

उक्त फोटो शेयर गर्दै अभिषेक बच्चनले लेखेका छन्, ‘हनी एण्ड द मून’। अर्को फोटोमा जुन लागेको रातमा कुर्सीमा बसेर ऐश्वर्या समुन्द्रको लहर हेरिरहेकी छन्। अझ रमाइलो त के छ भने यो फोटो उनीहरुकी छोरी आराध्याले खिचेकी हुन्। फोटो क्रेडिट आराध्यालाई दिँदै ऐश्वर्याले लेखेकी छन्, ‘हाम्रो साथलाई हाम्रो जीवनको उज्यालो यो फोटोमा क्याप्चर गरिएको छ। लभ यू आराध्या।’

केही समय पहिला ऐश्वर्या–अभिषेकलाई गोवामा छुट्टी मनाउँदै गरेको देखिएको थियो।   गोवाको उनीहरुको फोटो भाइरल पनि भएको थियो। उक्त फोटो सार्वजनिक भएपछि ऐश्वर्या गर्भवती भएको चर्चा चलेको थियो। यद्यपी त्यसको केही दिनपछि उक्त समाचार गलत भएको पुष्टि भएको थियो।

एक अन्तर्वाताका क्रममा अभिषेकले टोरंटोमा जनवरी २००७ मा  भएको फिल्म ‘गुरु’ को प्रिमियरपछि होटलको बालकनीमा उनले प्रपोज गरेको बताएका थिए। ‘म ऐश्वर्यालाई प्रपोज गर्दा निकै नर्भस भएको थिएँ। तर हिम्मत गरेर मैले आफ्नो मनको कुरा उनलाई भनेको थिएँ। मेरो प्रेम प्रस्ताव स्वीकार गर्न ऐश्वर्यालाई एक सेकेण्ड पनि लागेन,’ उनले भनेका थिए।

ऐश्वर्या र अभिषेकले सात वर्षमा ‘ढाई अक्षर प्रेम के’ (२०००), ‘कुछ न कहो’ (२००३), ‘बन्टी औरबबली’ (२००५), ‘उमराव जान’ (२००५), ‘धूम–२’ (२००६) र ‘गुरु’ (२००७) गरी ६ फिल्मका सँगै काम गरेका थिए।

विवाहपछि उनीहरुले ‘सरकार राज’ (२००८), ‘रावन’ (२०१०) मा सँगै काम गरे। त्यसपछि ऐश्वर्याको पिल्म ‘गुजारिश’ (२०१०) रिलीज भयो। तर त्यसपछि उनी आफ्नो निजी जीवनमा व्यस्त हुने थालेपछि फिल्मबाट टाढा भइन्। पछि २०१५ मा ऐश्वर्याले ‘जज्बा’ मार्फत फिल्म क्षेत्रमा पुनरागमन गरिन्। त्यसपछि उनले ‘सरबजीत’ (२०१६) र ‘ए दिल है मुश्किल’ (२०१६) मा अभियन गरिन्।

उता अभिषेकले फिल्म ‘रावन’ पछि ‘धूम–३’, ‘ह्याप्पी न्यू ईयर’, ‘हाउसफुल–३’ मा अभियन गरे। तर उनका फिल्मले बक्स अफिसमा राम्रो कमाइ गर्न सकेनन्।