नायिका पूजा शर्मा आज जन्मदिन मनाउँदै ,, कति वर्षमा लागिन् ?

नायिका पूर्जा शर्माको आज जन्मदिन परेको छ । १९९४ अप्रिल ३० तारिखका दिन सिन्धुपाल्चोकमा उनको जन्म भएको हो । यस आधारमा उनी आज आफ्नो २६औं जन्मदिन मनाउँदैछिन् ।

‘थ्री लभर्स’ चलचित्रबाट नेपाली रजतपटमा प्रवेश गरेकी पूजाले ‘प्रेमगीत’, ‘म यस्तो गीत गाउँछु’, ‘रामकहानी’ लगायतका चलचित्रमा अभिनय गरिसकेकी छन् । नायिका हुँदै चलचित्र निर्माणमा हात हालेकी पूजा शर्मा बेलाबेला प्रेम सम्बन्धका कारण चर्चामा आइरहन्छिन् ।

उनको नाम कहिले निर्देशक सुदर्शन थापा त कहिले नायक पल शाह तथा आकाश श्रेष्ठसँग जोडिने गर्छ । तर पूजाले भने आफू कसैसँग प्रेममा नपरेको बताउँदै आएकी छन् ।