मुम्बई। बलिउड अभिनेता रणवीकर सिंह र दीपिका पादुकोण समाजिक संजालमा निकै सक्रिय रहन्छन्। विवाह भन्दा पहिला यी दुवै कलाकार एक अर्काको इन्स्टाग्राम पोस्टमा लाइक र कमेन्ट गर्थे। यो क्रम अहिले पनि जारी छ।
उनीहरु सामाजिक संजालमा एक अर्काको गतिविधि निगरानीमात्रै गर्दैनन् कमेन्ट बक्समा आफ्नो प्रतिक्रिया पनि दिन्छन्। केही दिन अगाडि रणवीरले आफ्नो एउटा फोटो सामाजिक संजालमा शेयर गरेका थिए।
रणवीर सिंहले पूलमा मस्ती गर्दै गरेको एउटा आफ्नो फोटो सामाजिक संजालमा शेयर गरेका थिए। रणवीर सिंहद्वारा आइतबार शेयर गरिएको उक्त तस्वीर सामाजिक संजालमा निकै मन पराइयो।
.JPG)
एकै दिनमा उक्त तस्वीरलाई १३ लाख भन्दा धेरैले लाइक गरेका छन्। तस्वीरको क्याप्सनमा रणवीरले संडे लेखेका थिए। तर जब यो तस्वीर दीपिकाले हेरिन् तब उनले कमेन्ट बक्समा लेखिन्, ‘हलो! फोटो क्रेडिट?’
श्रीमान रणवीरले श्रीमती दीपिकाको कमेन्टको कुनै जवाफ दिएनन्। तर चुपचाप उनले तस्वीरको क्याप्सन भने परिवर्तन गरे। रणवीरले आफ्नो फोटो क्याप्सनमा एउटा क्यामरा बनाए र त्यसलाई दीपिका पादुकोणलाई ट्याग गरिदिए।
रणवीर सिंह यतिबेला आफ्नो नयाँ फिल्म ८३ को शुटिङमा व्यस्ट छन्। फिल्ममा उनी पूर्व क्रिकेटर कपिल देवको भूमिकामा छन्। दीपिका पनि यतिबेला आफ्नो फिल्मको शुटिङमा व्यस्त छन्। दीपिका चाँडै फिल्म छपाकमा देखिँदैछन्। फिल्ममा उनी एक एसिड पीडित युवतीको भूमिकामा छन्।
