ओली नेतृत्वको सरकार आफ्नै कारणले ढल्ने प्रदीप पौडेलको ठोकुवा

धादिङ । नेपाली कांग्रेसका केन्द्रीय सदस्य प्रदीप पौडेलले इतिहासकै बलियो केपी ओली नेतृत्वको सरकार आफ्नै कारणले ढल्ने ठोकुवा गरेका छन्।शनिबार धादिङमा आयोजित पार्टीको जागरण कार्यक्रमलाई सम्बोधन गर्दै नेता पौडेलले कम्युनिस्ट सरकारले देशलाई अस्थिरतातर्फ धकेलेको आरोप लगाउँदै यो सरकार आफ्नै कारणले ढल्ने ठोकुवा गरेका हुन् ।

पौडेलले भने, “कम्युनिस्ट सरकारले सिङ्गो मुलुकलाई नै कम्युनिस्टकरण गर्न खोजेको छ, विभिन्न काण्डमा अल्झिएको सरकार आफ्नै कारणले ढल्छ।” सरकारले बुढीगण्डकी जलविद्युत आयोजना निर्माणको ठेक्का चीनको गेजुवालाई दिनु बदनियतपूर्ण रहेको नेता पौडेलले बताएका छन्।पौडेलले आफ्नै लगानीमा बन्न सक्ने स्थिति हुँदाहुँदै पनि सरकारले विदेशी कम्पनीलाई ठेक्का दिएर कमिसनखोरीलाई आश्रय दिएको आरोप लगाए।