‘नेपालकै लागि नौलो कमेडी च्याम्पियन’ लिएर आउदै विशाल र रीमा

काठमाडौ । नेपाली टेलिभिजनको दर्शन घटेर युटुब र अनलाइनमा नेपालीको ध्यान केन्द्रित हुदै गर्दा नेपालमा रियालिटी शोको आगमन बढेको छ । जसले गर्दा नेपाली टेलिभिजन च्यानलमा दर्शकको रुची बढेको छ । एपी १ वाट नेपाल आइडल प्रशारण भएसंगै फेरी एक पटक नेपाली टेलिभिजन शोको चर्चा हुन थाल्यो । त्यस लगत्तै रोडिज आयो र फेरी यसको शिलशिला अघि बढ्यो । सोहि क्रममा बुगी उगी, द भोइस र को बन्छ करोडपति प्रशारणमा आए । सधै समाचार, टेलिशृंखला, टक शो र डकुमेन्ट्री हर्न पाउने दर्शकलाइ रियालिटी शोको बाढीले नयाँ स्वाद पस्किदै पुनः टेलिभिजन हेर्ने बानी पार्दै गएको छ ।

तर जति धेरै रियालिटी शो छन् र अब आउने क्रममा छन् त्यसमा काम गर्ने जनशक्ति उति नै कम छन् । नेपाल आइडल निर्देशन गरेका निर्देशक लक्ष्मण पौडेल नै द भ्वाइसका निर्देशक हुन् । त्यसै रोडिजका निर्देशक अमन प्रत्ताप अधिकारी नै केबिसीका पनि निर्देशक हुन् । आइडल पहिलो सिजन लगत्तै पौडेलले एपी १ छोडेपछि बुगीउगी र नेपाल आइडल सिजन २ नयाँ टिमले गर्यो । गने चुनेका निर्देशकले मात्रै रियालिटी शो बनाइरहेको देखिन्छ ।

यहि क्रममा नेपाल आइडल सिजन १ र द भोइस सिजन १मा चिफ असिस्टेन्ट डिरेक्टर रहेका बिशाल भण्डारीले नयाँ रियालिटी शो ल्याउने तयारी सकेका छन् । कमेडी च्याम्पियनले यो शो होस्ट गर्ने छिन् भने जजको बिषयमा सल्लाह भैरहेको भण्डारी बताउछन् । विशाल र रिमाले यस अघि नै नेपाल आइडलमा सहकार्य गरि सकेका छन् । यस पटक सोही सहकार्य कै निरन्तरता स्वरूप कमेडी जनरामा काम गर्ने यी दुइको जमर्को रहेको छ । केहि समय यता रीमा विभिन्न स्ट्याण्डअप कमेडी शो हरुमा देखिदै आएकी छन् । उनको यो उपस्थितिलाई आउदो रियालिटी शोको तयारीको रुपमा लिन सकिन्छ ।

मह जोडीको विभिन्न हास्यव्यंग्य सिरियल, ट्वाक्क टुक्क, हिजो आजका कुरा, तितो सत्य, जिरे खुर्सानी हुदै अगाडी बढेको कमेडी शो र हास्यव्यंग्यकलाकारको चर्चा पश्चात पछिल्लो समय भद्रगोलको नयाँ टिम र सन्दीप क्षेत्री बाहेक कुनै नयाँ अनुहार र शो आउन सकेको छैन । यो कमेडी च्याम्पियनले कमेडीका नयाँ स्टार जन्माउने बिश्वास राखेका छन् विशाल र रीमाले । शोको निर्माण थ्री प्रोडक्सनले गर्नेछ, जसले यस आघ ३०० भन्दा बढी म्युजिक भिडियो निर्माण गरेको छ ।