बेली डान्स गर्दा जान्हवीलाई किन गाली ?

डेब्यु फिल्म ‘धडक’पछि जान्हवी कपूरले लामो समय विश्राम लिइन् । अहिले भने उनी ‘रुह अफजा’को छायांकनमा व्यस्त हुन थालेकी छिन् । यसबीचमा उनी कहिले बोल्ड पहिरन त कहिले फिटनेसको भिडियोले चर्चामा आइरहिन् ।

पछिल्लो समय उनको चर्चा चाहि एक बेली डान्सको कारण भएको छ । श्रीदेवीकी यी चुलबुले छोरीले बेली डान्स गरिरहेको भिडियो इन्स्टाग्राममा पोस्ट गरिन् । जसै उनले भिडियो पोस्ट गरिन्, ताली होइन गालीको बषर्ा भयो । सेतो फिटिङ्स हाफ पाइन्ट र पिंक टिसर्टमा ठाँटिएकी उनले बेली डान्स गरेको देखिन्छ ।जान्हवीले बेली डान्सको बेइज्ज गरेको भन्दै दर्शकले उनलाई गाली गरेका छन् ।

जान्हवीले क्वाटर लगाएर बेली डान्स गर्ने अभ्यास गरेकी छिन् । भिडियो पोस्ट गर्दिनेले जान्हवीको बेली डान्स क्यासनमा भिडियो पोस्ट गरिदिए । उक्त क्याप्सनसँग रिस पोख्दै उनलाई गाली गरेका हुन् । धेरैले उनको नृत्य बेली डान्स जस्तो नभएको प्रतिकृया दिएका छन् ।

त्यहाँ आएका प्रतिकृयामा बेली डान्सको कुरामात्र छैन् । त्यहाँ जान्हवीको अभिनयलाई लिएर पनि प्रश्न उठाइएको छ । उनलाई अभिनय पनि गर्न नआउने भन्दै धेरैले गाली गरेका छन् । धेरैले जान्हवीले अभिनय र नृत्य दुबै सक्नु पर्ने सुझाव पनि दिएका छन् ।

जान्वीले डेब्यु चलचित्र ‘धडक’बाट धेरै प्रशंसा पाएकी थिइन् । उक्त चलचित्रमा जान्हवीले ईशान खट्टरसँग रोमान्स गरेकी थिइन् । धडकपछि उनी रुह अफजामा देखापर्दैछिन् । यो चलचित्रको अहिले धमाधम छायांकन भइरहेको छ । यसमा जान्हवीसँगै राजकुमार राव र वरुण शर्माले मूख्य भूमिका निर्वाह गर्दैछन् । एक साताअघि मात्र यी तीन कलाकारले आ-आफ्नो शोसल मिडिया एकाउन्टमा चलचित्रको क्ल्यापबोर्डको तस्वीर साझेदार गर्दै छायांकन सुरु भएको जानकारी गराएका थिए । यस चलचित्रलाई हार्दिक मेहताले निर्देशन गर्दैछन् ।