एसईई उत्तिर्णपछि नायिका करिश्मालेपनि बाबुराम छोड्ने, नेकपा प्रवेशको तयारी

काठमाडौ । राजनीतिमा लागेर नायिका करिश्मा मानन्धरले फिल्ममा झै निकै दुःख र संघर्ष त गरिनन् । तरपनि राजनीतिमा पुगेर चर्चाकी पात्र भने बनिन् । पूर्व प्रधानमन्त्री डा. बाबुराम भट्टराई नेतृत्वको नयाँ शक्तिमा उनले राम्रै स्थान पाईरहेकी छिन् । तर उनलाई अहिले आफ्नो भूमिका अनुसार पार्टीले मूल्याङकन गरेन भन्ने बुझाई छ । फिल्म क्षेत्रमा जस्तो उनले राजनीतिमा सफलता यही कारण नपाएको उनको आरोप
छ ।

डा बाबुराम भट्टराईले पार्टीलाई नेतृत्व दिन सकेनन् बरु समाजवादी फोरमसँग लगेर पार्टी एकीकरण गराए । नयाँ शक्ति पार्टीमा बगाएको करिश्माको पसिना खेर गयो  तर, उनी निराश भएकी छैनन् । अझै राजनीतिमा सक्रिय हुने उनको चाहना छ । हालै एसइइ उत्तिर्ण गरेकी उनी नेपाल कम्युनिष्ट पार्टी (नेकपा) प्रवेश गर्ने तयारीमा छिन् ।

स्रोतका अनुसार नेकपा प्रवेशका लागि उनले अध्यक्ष पुष्पकमल दाहाल प्रचण्डसँग समेत भेटवार्ता गरिसकेकी छिन् । जिम्मेवारीसहित आफूलाई पार्टीमा प्रवेशका लागि उनले आग्रह गरेको स्रोत बताउँछ । प्रचण्डले पनि आफूले पार्टीभित्र छलफल गरेर छिट्टै खबर गर्ने बताएको करिश्मा निकट स्रोतको दावी छ ।