यसकारण पक्राउ परे कम्युनिष्ट नेता माइला लामा ! पढ्नुहोस्

काठमाडौ । सरकार र विप्लवबीच वार्तामा चर्चा भइरहेको समयमा विप्लव समुहका एक चर्चित अनुहार पक्राउ परेका छन् । प्रहरीले नेत्रविक्रम चन्द विप्लव नेतृत्वको नेकपाका केन्द्रीय सदस्य तथा उपत्यका ब्युरो इन्चार्ज माइला लामालाई पक्राउ गरेको हो ।

विप्लवनिकट श्रोतका अनुसार लामालाई प्रहरीको एक टोलीले राजधानीको काँडाघारीबाट पक्राउ गरेको हो । विप्वलवपक्षले पनि यसको पुष्टि गरेको छ । महानगरीय अ पराध महाशाखाका प्रमुख सहकुल थापाले लामा पक्राउको पुष्टि गर्दै उनलाई काँडाघारीबाट शनिबार राति १२ बजे हिरासतमा लिइएको बताए । प्रहरीले लामासँगै विप्लवका अर्का कार्यकर्ता रेशम तामाङलाई पनि हिरासतमा लिएको छ ।

लामामाथि केही महिनायता उपत्यकाको नख्खु अनामनगर र घट्टेकुलोमा भएका बम वि स्फोटनका घटना गराउन निर्देशन दिएको आरोप लगाइएको थियो । उपत्यकामा भएका विस्फोटमा ५ जना भन्दा धेरैले ज्यान गुमाएका थिए ।

फागुन १० गते नख्खुस्थित एनसेलको कार्यालयमा भएको वि स्फोटमा एकजना मारिएका थिए भने घट्टेकुलो, सुकेधारामा जेठ ५ गते भएको वि स्फोटमा ५ जनाले ज्यान गुमाएका थिए । जेठमा भएको वि स्फोटपछि प्रहरीले लामाको खोजी गरिरहेको थियो । घटनालगत्तै प्रहरीले राजधानीबाट विप्लवका ४ जना कार्यकर्ता समातेको थियो ।

प्रहरीले खोटाङका मोतिधन राई, रोल्पाका भूपेन्द्र घर्ती, मोरङकी विन्दुकुमारी कुइँकेल र रुकुमकी सन्ध्यादेवी पुनलाई पक्राउ गरे पनि लामा फरार थिए । पक्राउ परेकाले लामाको नाम लिएका थिए । लामा १० वर्षे जनयु द्धका क्रममा गम्भीर घाइते भएका थिए । उनी राम्ररी सुन्न सक्दैनन् भने आँखा पनि कमजोर छन् । जनयु द्धका क्रममा चर्चित सांस्कृतिक कलाकार उनी पनि थिए ।