अरनिको राजमार्ग र लिपिङ पुलमा भएको क्षतिबारे सभामुख सापकोटाको चासो

काठमाण्डाै – अविरल वर्षाले अरनिको राजमार्ग र सिन्धुपाल्चाेककाे लिपिङ पुलमा क्षति पुर्याएपछि सडक विभागका महानिर्देशक अर्जुनजंग थापासहितको टोलीले कटान क्षेत्रको स्थलगत अवलोकन गरेको छ ।

स्थलगत अवलोकनपछि महानिर्देशक थापाले केही दिनभित्रै बन्द सडक खोल्ने गरी काम हुने बताउनुभयो । भोटेकोशीको कटानले सिन्धुपाल्चोकको भोटेकेशी गाउँपालिकामा रहेको तातोपानीको लिपिङ पुलमा क्षति पुगेको र अरनिको राजमार्ग अन्तरगतको सडक ठाउँ ठाउँमा भासिएको छ ।

सभामुख अग्निप्रसाद सापकोटाले भौतिक पूर्वाधार तथा यातायात मन्त्री वसन्तकुमार नेम्बाङलाई तातोपानी–कोदारी क्षेत्रमा बाढी कटानबाट भइरहेको क्षति न्यूनिकरण गर्न ध्यानाकर्षण गराएपछि आज स्थलगत अवलोकन गरिएको हो । सभामुख सापकोटाले जोखिममा परेकाहरुको उद्धार, सुरक्षित बसोबास एवं बन्द सडक तत्काल खुलाउन आग्रह गर्नु भएको छ । उज्यालो