अब फेसबुकले परिवर्तन गर्दै छ यस्तो चिज !

सामाजिक सञ्जाल फेसबुक संसारमै सर्वाधिक प्रयोग हुनेगर्छ । यसभित्र व्यापक विकृति बढेको भन्दै चौतर्फी विरोध भइरहेका बेला यसले नीतिगत सुधारका लागि केही परिवर्तन गर्ने भएको छ । बिहीबारदेखि लागू हुनेगरी फेसबुकले केही परिवर्तन गर्न लागेको बिबिसीले जनाएको छ ।हरेक मानिस दैनिक फेसबुकमै अभ्यसस्त भएकाले के परिवर्तन हुन आट्यो भन्ने जिज्ञासा सबैमा हुन्छ । विशेषगरी हातहतियारका विषयमा पोस्ट हुने सामाग्री सम्बन्धी पुरानो नीतिमा परिवर्तन हुन लागेको समाचारमा जनाइएको छ । समाचारमा उल्लेख भए अनुसार फेसबुकले बिहीबारदेखि लागु हुने गरी बन्दुक र बन्दुकसँग जोडिएका हातहतियारका विज्ञापनमा बन्देज लगाउने तयारी गरेको छ ।

फेसबुकले विशेषत यस्ता सामाग्रीले बच्चालाई सिधै असर गर्ने भन्दै यस्तो नीति कार्यान्वयन गर्न लागेको हो । अहिले फेसबुक प्रयोग गरिरहेका जो कोहीले बन्दुकको बारेमा सबै जानकारी विज्ञापनमा देख्न सक्छन् । बिहीबारबाट भने यो सबै बन्द गरिनेछ ।आफ्नो नियमित समीक्ष बैठकले यो निर्णय गरेको फेसबुकले बताए पनि अमेरिकामा विद्यालयमा भएका हिंसामा बन्दुक प्रयोग भएको पाइएपछि फेसबुकले यो निर्णय गरेको समाचारमा जनाइएको छ । फेसबुकले आफ्नो संजालमा हतियार, गोलाबारुद, विस्फोटक र बन्दुक लगायतका हरियारको बारेमा जानकारी दिने सामाग्री पोस्ट गर्न समेत रोक लगाएको छ ।