रवि लामिछानेको बिषयमा दीपकराज गिरीले फेसबुकमै लेखे यस्तो स्टाटस

चर्चित सञ्चारकर्मी रवि लामिछानेले र उनकी पूर्वपत्नि ईशा लामिछानेको विषयमा सामाजिक सञ्जालमा वहस चल्न थालेपछि कलाकार दीपकराज गिरीले रवि लामिछानेको पक्षमा उभिएका छन् ।

दिपकराज गिरीले शुक्रबार एक स्टाट्स लेखेका छन् । भगवान बुद्धको सम्झना गर्दै दीपक लेख्छन् ” भगवान बुद्द ले पनि घरकी श्रीमती छोडे ,बच्चा पनि छोडे अब त्यसमा अल्मलिएर बस्ने कि बुद्दले दिएको ज्ञान , उनले समाजलाइ दिएको योगदानको कदर गर्ने?”उनको यो स्टाटसमा मिश्रित प्रतिक्रिया आइरहेको छ ।

उनको स्टाटस शेयर गर्दै रुक्मागत शर्मा पौडेल लेख्छन् : “सबैले बुद्धले जस्तो घरकी श्रीमती छोडने? बुद्धले त घरकी छोडे तर परकी अपनाएनन्। हामीले त बुद्धको नाममा घरकी छोडेर पर परकी अपनाउदै गएका छौ। बुद्धसंग हामीलाई दाज्न मिल्छ? ”

हाम्रो प्रतिक्रिया : कसैलाइ देवत्वकरण नगरौं । पारिवारिक जिवन यापन गर्दा गल्ति दुवैतर्फबाट भएका होलान् । रवि लामिछाने १०० % सहि र इशा लामिछाने १००% गलत कदापी हुन सक्दैनन् ।

कमिकमजोरी दुवैतर्फबाट भएका छन् । उनीहरुले यसलाई कानुनी रुपमै टुङ्गाइसकेका छन् । कानुनी रुपमै अलग्गै भैसकेपछि पूर्वपत्नीले विगतका कुरा कोट्याउनु हुँदैनथ्यो त्यो उनको अहिलेको कमजोरी देखियो । मिडियामा आउनको लागि मेनुका पौडेलको सिको नै गरेकी हुन् भने त हाम्रो भन्नु केही छैन ।

रवि लामिछानेले पनि म नेपालमै बसेर अमेरिकामा भएका सम्पूर्ण परिवारको व्यवस्थापन गरिरहेको छु भन्नु आफैमा अव्यवहारिक कुरा हो । एउटा टेलिभिजन कार्यक्रम चलाउने मान्छेले नेपालमा पाएको तलबले अमेरिकामा बसेका पूर्वश्रीमति र २ जना छोरीको लालनपालन गर्न पक्कै पनि सकिदैन । त्यो अव्यवहारिक कुरा हो ।